Foydalanish shartlari
Sellobay marketplace platformasidan foydalanish bo'yicha rasmiy shartnoma.
1. Umumiy qoidalar
Ushbu Foydalanish shartlari Sellobay marketplace platformasidan (sayt va mobil ilova) foydalanish qoidalarini belgilaydi. Platformadan foydalanish orqali siz ushbu shartlarga to`liq rozilik bildirasiz. Rozi bo`lmasangiz, Platformadan foydalanmang.
2. Hisob va ro'yxatdan o'tish
Ayrim funksiyalar uchun ro'yxatdan o'tish talab etiladi. Foydalanuvchi to'g'ri ma'lumot kiritishi, hisob ma'lumotlari (parol, OTP) maxfiyligini saqlashi shart. Hisob orqali amalga oshirilgan barcha harakatlar uchun foydalanuvchi javobgar.
3. Taqiqlangan harakatlar
Platformadan noqonuniy maqsadlarda foydalanish, boshqa shaxslar nomidan firibgarlik, tizim xavfsizligini buzishga urinish, spam, zararli dasturlar tarqatish hamda boshqalar huquqlarini buzish qat'iyan taqiqlanadi.
4. Buyurtma va to'lov
Buyurtma berilgandan keyin uni bekor qilish 'Tasdiqlangan' holatigacha bo'lgan davrda mumkin. To'lov ko'rsatilgan usullar (Click, Payme, bank kartalari, naqd) orqali amalga oshiriladi. Barcha narxlar O'zbekiston so'mida ko'rsatiladi.
5. Yetkazib berish va qaytarish
Mahsulotni yetkazib berilganda (kuryer oldida yoki punktda) tekshirib olishingiz mumkin — maqul kelmasa o`sha joyning o`zida qaytarasiz. To`liq shartlar ommaviy ofertada va "Qaytarish va to`lash" sahifasida.
6. Sotuvchilar uchun shartlar
Sotuvchilar mahsulot to'g'risida aniq va haqqoniy ma'lumot berishlari, qonuniy mahsulotlarnigina sotishlari va buyurtmalarni o'z vaqtida bajarishlari shart. Platforma qoidabuzar sotuvchining hisobini cheklash yoki bloklash huquqiga ega.
7. Intellektual mulk
Platformadagi logotip, dizayn, matn va dasturiy ta'minot Platforma operatorining yoki tegishli huquq egalarining mulki hisoblanadi va ruxsatsiz nusxalanishi yoki foydalanilishi mumkin emas.
8. Sello Coins (sodiqlik)
Sello Coins bonus ballarini to'plash va sarflash Platformada e'lon qilingan qoidalar asosida amalga oshiriladi. Ballar pulga aylantirilmaydi va faqat Platforma ichida chegirma sifatida ishlatiladi.
9. Mas'uliyatni cheklash
Platforma vositachi sifatida ish ko'radi va uchinchi tomon (sotuvchi, to'lov tizimi, yetkazib beruvchi) harakatlari hamda force-majeure holatlari uchun javobgar emas. Mahsulot sifati uchun bevosita sotuvchi javobgardir.
10. Bahslarni hal qilish
Bahslar avvalo muzokara yo`li bilan hal qilinadi. Kelishuvga erishilmasa, bahslar O`zbekiston Respublikasi amaldagi qonunchiligi asosida ko`rib chiqiladi.
11. O'zgartirishlar
Platforma ushbu shartlarni istalgan vaqtda o`zgartirish huquqini saqlab qoladi. Yangi tahrir Platformada e`lon qilingan paytdan kuchga kiradi.